Mair details o this brusin encounter.
Huntly wint 3 up in nae time ata.William dinked i ba ower i goalies heid for i 1st & William again wi a weel hit cross/shot? which went in aff i far post for i 2nd. Big Aiden got i 3rd efter good work pitten pressure on their goalie.Glendale got back in i game we twa powerfull lang range efforts.The next goal wis ey gan ti be important, & James gettin it for Huntly seemed ti tak i win oot o their sails, we wis niver in danger efter at.
Lot o big loons on their side & hefty tackles were fleein in a oor i park, Rory ,Neil & Darren were a aff injured afore half time, though a 3 came back ti dee their bit in i 2nd period.
Misst baith Williams goals efter i brak - wis helpin oor injured manager to treat anither injured player it the ither ine o i park.
Gie Glendale loons their due they niver stoppit graftin & got a late consolation goal. Ful time 6 -3.
Good performances a oor i team, front men hid em chasin shaddas files-Foggie James gis us new options, Fergie twins seemed ti thrive in i mid-field battleground, Jordan & his defence coped weel under immense pressure.
Glendale ti their credit took defeat in a lot better wye is time.
Loons a fair chufft, they really winted ti win is een for Mike.
P. S. Sorry Debbie for pinchin yer reporters job.